نوئیڈا: اے ٹی ایم مشین سے چھیڑ چھاڑ کرنے والا شخص گرفتار

اترپردیش کے شہر نوئیڈا میں اے ٹی ایم مشین سے چھیڑ چھاڑ کرنے والے بدمعاش کو پولیس نے گرفتار کر لیا ہے۔ وہ اے ٹی ایم سے پیسے چوری کرنے کی کوشش کر رہا تھا۔

ریاست اترپردیش کے شہر نوئیڈا کے
تھانہ سیکٹر 20 میں نوئیڈا پولیس نے ایک شاطر ملزم کو گرفتار کیا ہے جس نے اے ٹی ایم مشین سے چھیڑ چھاڑ کی تھی۔ اس نے سیکورٹی کا یونی فارم پہن رکھا تھا۔

اس سلسلے میں مینیجر سینٹرل بینک آف انڈیا نیا بانس نے تھانہ سیکٹر 20 میں شکایت درج کرائی تھی۔ پولیس نے اس شکایت پر سی سی ٹی وی فوٹیج کیمرے سے معلومات حاصل کیں اور مجرم تک جا پہنچی اور اسے گرفتار کر لیا۔

پولیس نے بتایا کہ سی سی ٹی وی فوٹیج میں ایک نامعلوم شخص جس نے گارڈ کی وردی پہن رکھی تھی اور چہرے پر نقاب لگا رکھا تھا۔ وہ سینٹرل بینک آف انڈیا نیا بانس سیکٹر 15 نوئیڈا میں اے ٹی ایم مشین سے چھیڑ چھاڑ کر رہا تھا۔ سی سی ٹی وی کی بنیاد پر
تھانہ سیکٹر 20 پولیس نے ملزم دنیش کمار ولد مایادین گاؤں برولا، سیکٹر 49 رجنی گندھا چوراہے سے گرفتار کر لیا۔ تفتیش کے بعد ملزم نے مذکورہ واقعے کا اعتراف جرم کر لیا ہے۔