جموں و کشمیر سیاحت کے لیے خوب معروف ہے۔ جموں کے ضلع ادھم پور میں اسکائی ویو (آسمانی جھولا) سیاحوں کے لیے آج سے شروع کیا گیا ہے۔ لیکن سیاحوں کو اس دوران کووڈ-19 کی ہدایات پر عمل کرنا ہوگا تبھی وہ اسکائی ویو کی سیر کر پائیں گے۔
کورونا وائرس اور لاک ڈاؤن کے سبب ملک و بیرون ملک میں ہر طرح کی سرگرمیاں رک گئی تھیں۔ اس وبا سے تجارت سے لے کر سیاحت تک ہر شعبہ متاثر تھا۔
کووڈ-19 کے دوران بند ہوا پٹنی ٹاپ کا اسکائی ویو گنڈولا جموں میں ایک منفرد شناخت رکھتا ہے۔ جہاں دور دور سے سیاح اس کی سیر کے لیے آتے ہیں اور آسمان کی بلندیوں سے زمین کی خوبصورتی کا روح پرور نظارہ کرتے ہیں۔
اسکائی ویو کووڈ-19 کی گائیڈلائن کے تحت ہی شروع ہوا ہے۔ جہاں ماسک سے لے کر سینیٹائزیشن تک لازمی قرار دیا گیا ہے۔
اسکائی ویو کے ایک ذمہ دار نے بتایا کہ لاک ڈاؤن کے دوران سائٹ (جھولے) کو ایس جی ایس کے ذریعہ کورونا سے بچنے کے لیے مکمل طور سے تیار کیا گیا ہے، تاکہ کسی بھی طرح کے انفیکشن نہ ہو۔
ایک عہدیدار نے بتایا کہ حفاظت کے لئے کوویڈ 19 کا آڈٹ کیا گیا تھا اور پھر تعمیل سرٹیفکیٹ ملنے کے بعد اسے کھولنے کی اجازت دی گئی۔ جو اسے مکمل طور پر محفوظ بناتا ہے۔
مزید پڑھیے: سلج کی سواری میں سیاح کم دلچسپی کیوں دکھا رہے ہیں؟
انہوں نے کہا کہ سبھی ضروری احتیاط کے ساتھ انفیکشن سے بچنے کے لیے آن لائن بکنگ، تھرمل اسکریننگ، سماجی فاصلہ اور سینیٹائزیشن کا خاص خیال رکھا جارہا ہے۔
انہوں نے بتایا کہ سات ماہ کے طویل عرصے بعد سیاحوں کی آمد شروع ہوگئی ہے، جو اطمینان بخش ہے۔
