متنازعہ شہریت قانون کے خلاف اردو یونیورسٹی میں احتجاج جاری

مولانا آزاد نیشنل اردو یونیورسٹی میں شہریت ترمیمی قانون اور اس ضمن میں کئے جانے والے احتجاجیوں پر پولیس کی بربریت کے خلاف احتجاج بدستور جاری ہے۔

امتحانات کے باوجود مولانا آزاد نیشنل اردو یونیورسٹی کے طلباء اپنا احتجاج جاری رکھے ہوئے ہیں اور مرکزی حکومت سے جامعہ ملیہ اسلامیہ، علی گڑھ مسلم یونیورسٹی اور ملک کے دیگر مقامات پر پولیس ظلم بند کرنے اور پولیس کے اعلی عہدیداروں کے خلاف سخت کاروائی کرنے کا مطالبہ کررہے ہیں۔

صدر مولانا آزاد نیشنل اردو یونیورسٹی اسٹوڈنٹس یونین عمر فاروق نے بتایا کہ جب تک حکومت متنازعہ قانون سے دستبرداری اختیار نہیں کرتی اور خاطی پولیس والوں کے خلاف کاروائی نہیں کرتی تب تک احتجاج جاری رہےگا۔