سلطان بازار کی رہنے والی پوانی 9ماہ کی حاملہ تھیں۔ جمعہ کی صبح اس کی صحت خراب ہوگئی جس کے بعد اس کے ارکان خاندان مقامی ڈاکٹر سے رجوع ہوئے۔ ڈاکٹر کی تجویز پر اس کو حیدرآباد کے لکڑی کا پُل علاقہ کے ایک اسپتال کو بذریعہ ایمبولنس لے جایا گیا۔ تاہم اسپتال کے حکام نے وینٹی لیٹرس کی عدم دستیابی پر مبینہ طور پر اس کا علاج کرنے سے انکار کر دیا۔
بعد ازاں اس کو ایل بی نگر کے ایک اسپتال اور پھر وہاں سے 11.30 بجے دن ویمن اسپتال کوٹھی منتقل کیا گیا۔ تاہم اس نے ایمبولنس میں ہی آخری سانس لی۔
انچارج کلکٹر کے حکم پر ڈی ایم ایچ او ملک ارجن نے پوانی کے مکان پہنچ کر اس کے ارکان خاندان سے تفصیلات حاصل کیں۔ سرکاری ذرائع نے یہ بات بتائی۔
