کورونا کے لیے مختص ہسپتال متاثرین سے بھرے پڑے ہیں بڑھتی تعداد اور جگہ کی قلت کو دیکھتے ہوئے حکومت نے کورونا کی علامات ظاہر ہونے والے افراد کو گھر پر ہی کورنٹائن رہنے کی اجازت دی ۔
صرف سنگین صورتحال پر ہی عوام کو ہسپتالوں سے رجوع کرنے کی تاکید کی اور نجی ہسپتالوں کو بھی کورونا کی جانچ اور علاج کی اجازت بھی فراہم کر دی۔ سرکاری و نجی ہسپتالوں میں مناسب تعداد میں آکسیجن کی سہولت موجود نہیں ہے ہوم کورنٹائن میں موجود متاثرین کو آکسیجن کی قلت کا سامنا لاحق ہے۔
اس کمی کو محسوس کرتے ہوئے جماعت اسلامی ہند حیدرآباد نے ہوم کورنٹائن میں موجود متاثرین کے لیے مفت آکسیجن کی فراہمی کا آغاز کیا ہے۔
جماعت کی جانب سے ہوم کورنٹائن میں موجود متاثرین کو آکسیجن مفت فراہم کی جائے گی اس کے علاوہ جماعت کی جانب سے مفت ٹیلی کنسلٹنٹیشن کی سہولت بھی فراہم کی جارہی ہے۔
جماعت اسلامی ہند حیدرآباد کے ذمہ داروں نے بتایا کہ کورونا وائرس کے خوف سے ڈاکٹر دیگر امراض کی تشخیص سے گھبرا رہے ہیں بر وقت تشخیص نہ ہونے کی وجہ سے مریضوں کی صحت بگڑتے کی شکایات ہیں جس کو دور کرنے کے لیے جماعت نے مختلف ڈاکٹروں سے رابطہ کرتے ہوئے فون پر تشخیص کی خدمات کا آغاز کیا ہے۔ تا کہ موسمی امراض سے متاثر افراد کی تشخیص ہو۔
