کشمیر یونیورسٹی کے شعبہ اردو نے قومی کونسل برائے فروغ اردو زباں، نئی دہلی کے تعاون سے سالانہ علامہ اقبال یادگاری خطبے کا اہتمام کیا جس میں طلباء، اسکالرس، صحافیوں اور دانشور حضرات نے شرکت کی۔
یہ پروگرام یونیورسٹی کے شعبہ صحافت کے آڈیٹوریم میں منعقد ہوا جس میں امسال بنارس ہندو یونیورسٹی کے شعبہ اردو کے صدر پروفیسر آفاقی کو مہمان خصوصی کے طور پر مدعو کیا گیا تھا جبکہ جسٹس بشیر احمد کرمانی نے بھی بحیثیت مہمان ذی وقار شرکت کی۔
پروفیسر آفاقی نے ’’سرسید کا تصور تاریخ‘‘ کے موضوع پر تفصیلاً خطبہ دیا جس سے وہاں موجود طلباء، اسکالرس اور دیگر شرکاء مستفید ہوئے۔ انہوں نے سر سید احمد خان کے زندگی اور وسیع نظریے پر سیر حاصل گفتگو کی۔
تقریب میں جسٹس بشیر احمد کرمانی نے بھی اس موقع پر سر سید احمد خان کی علمی و سماجی خدمات پر ایک کلیدی خطبہ پیش کیا۔
تقریب میں کشمیر یونیورسٹی کے شعبہ اروو سے وابستہ پروفیسر مشتاق حیدر، شعبہ صحافت کے پروفیسر ناصر مرزا کے علاوہ شعبہ اردو کے صدر پروفیسر نظیر احمد نے بھی شرکت کی۔
