سرینگر میں عسکریت پسند کی لاش برآمد

پولس نے عامر کی موت کے متعلق ابھی کوئی بیان جاری نہیں کیا ہے، وہیں اس معاملے کی تحقیقات کا آغاز کیا گیا ہے۔

جموں و کشمیر کے دارالحکومت سرینگر کے صورہ علاقے میں میں اتوار کی شام کو پولیس نے ایک عسکریت پسند کی لاش برآمد کی ہے۔

البدر تنظیم سے وابستہ اس عسکریت پسند کی شناخت عامر ملک کے بطور ہوئی ہے اور یہ جنوبی کشمیر کے ضلع شوپیان کے حیدرگبد گاؤں کا رہنے والا تھا۔

پولس نے عامر کی موت کے متعلق ابھی کوئی بیان جاری نہیں کیا ہے اور انکا کہنا ہے کہ اس معاملے کی تحقیقات کا آغاز کیا گیا ہے۔ بتایا جارہا ہے کہ عامر ملک اکتوبر 2020 سے عسکریت پسندی میں سرگرم تھا۔