ABHA Health Card اے بی ایچ اے کارڈ ہیلتھ ریکارڈ رکھنے کیلئے انتہائی ضروری ہے، ڈائریکٹر ہیلتھ سروسز کشمیر

ڈاکٹر مشتاق راتھر نے کہا کہ اس کارڈ کی وساطت سے مریض کو ہسپتال میں علاج کرانے کے لئے لمبی قطار میں کھڑا رہنے کی تکلیف سے نجات ملے گی۔

سرینگر: ڈائریکٹر ہیلتھ سروسز کشمیر ڈاکٹر مشتاق احمد راتھر نے لوگوں سے آیوشمان بھارت ہیلتھ اکاؤنٹ (اے بی ایچ اے) کارڈ بنانے کی تاکید کرتے ہوئے کہا کہ یہ کارڈ ہیلتھ ریکارڈ رکھنے کے لئے انتہائی ضروری ہے۔انہوں نے کہا کہ اس کارڈ سے مریض کو ہسپتال میں علاج کرانے کے لئے لمبی قطار میں کھڑا رہنے کی تکلیف اٹھانے سے نجات ملے گی۔موصوف ڈائریکٹر نے ان باتوں کا اظہار منگل کو یہاں بٹہ مالو میں ایک جانکاری مہم کے دوران نامہ نگاروں کے ساتھ بات کرنے کے دوران کیا۔

انہوں نے کہا کہ 'لوگ اپنے اپنے سینٹروں پر جا کر اے بی ایچ اے کارڈ، گولڈن کارڈ بنائیں یہ مریض کا ہیلتھ ریکارڈ رکھنے کے لئے بہت ضرری ہے'۔ان کا کہنا تھا کہ یہ کارڈ ہیلتھ فیسلٹی پر بھی رہے گا اور مریض کے پاس بھی رہے گا۔

ڈاکٹر مشتاق راتھر نے کہا کہ اس کارڈ کی وساطت سے مریض کو ہسپتال میں علاج کرانے کے لئے لمبی قطار میں کھڑا رہنے کی تکلیف سے نجات ملے گی۔انہوں نے کہا کہ 'مریض جہاں بھی ہوگا وہ وہاں اس کارڈ کو دکھائے گا تو اس کا سارا ہیلتھ ریکارڈ سامنے آئے گا'۔ان کا کہنا تھا کہ لوگ سے ہی اس کارڈ پر ڈاکٹر سے وقت لیکر اپنا علاج بغیر کسی تکلیف کے کرا سکتے ہیں۔

(یو این آئی)