ای تی وی بھارت کے نمائندے کے مطابق بٹہ مالو میں پیر کی شام دکان میں اچانک آگ لگ گئی اور دیکھتے ہی دیکھتے پانچ دکانوں کو اپنی لپیٹ میں لے کر خاکستر کردیا، جس کی وجہ سے دکانوں میں موجود لاکھوں روپیے کی مالیت کا مال تباہ ہوگیا۔
پولیس نے واقعے کی تصدیق کرتے ہوئے کہا کہ بٹہ مالو سوپور میں آگ کی ایک واردات میں کم سے کم پانچ دکانیں جل کر راکھ ہوگیئں۔ انہوں نے کہا کہ متعلقہ محکمہ کے عملے کی بر وقت اور سخت کاوشوں کے نتیجے میں آگ کو مزید پھیلنے سے روکا گیا۔
پولیس نے کہا کہ آگ لگنے کی وجوہات ابھی معلوم نہیں ہوسکی ہے۔
