ڈارئیور کی شناخت ضلع کے نرپورہ علاقے کے گلزار احمد راتھر کے طور کی گئی ہے۔
عینی شاہدین کے مطابق فوج نے زاورہ علاقے میں متعدد دکانداروں کے ساتھ مار پیٹ کی جس کے بعد گلزار احمد راتھر کو بلا وجہ بس سے اتار کر ان کی پٹائی کی۔
سوشل میڈیا پر ایک ویڈیو وائرل ہوا ہے جس میں بس میں سوار اسکولی بچے روتے اور ڈرے ہوئے نظر آرہے ہیں۔
ویڈیو میں ایک طالب علم کہتا ہے کہ: ہماری بس سڑک کے کنارے کھڑی تھی، اچانک فوج کے چند اہلکاروں نے بغیر پوچھے نیچے اتار کر لوہے کی چین سے ڈرائیور کو مار پیٹ کی۔ فوجی اہلکاروں نے ہمیں بھی ڈرایا دھمکایا'۔
اس سے قبل اسی نوعیت کا ایک اور واقع سرینگر کے نوگام علاقے میں پیش آیا جس میں فوجی اہلکاروں نے ٹریفک پولیس کے ایک جوان کے ساتھ مار پیٹ کی۔
میڈیا رپورٹز کے مطابق شہری گاڑی کو قومی شاہراہ سے جانے کی اجازت دینے کے باوجود فوج کے 22 آر آر نے اس پولیس اہلکار کی پٹائی کی۔
پولیس اہلکار کی شناخت بالہامہ کے مدثر احمد کے طور پر کی گئی ہے۔
