پہاڑی ضلع رام بن میں جمعیت اہلحدیث کی جانب سے تحصیل سطح کے انتخابات کا انعقاد عمل میں لایا گیا۔
رام بن: جمعیت اہلحدیث کے تحصیل سطح کے انتخابات منعقد
انتخابات میں تحصیل پوگل پرستان کے 13حلقوں کے نمائندوں نے ووٹنگ کے عمل میں شرکت کی تاہم آخری مرحلے میں دو مد مقابل امیدواروں نے نامزدگی واپس لی اور اس طرح تحصیل صدر پوگل پرستان (اکھڑہال) کے لیے جاوید سلفی بلا مقابلہ کامیاب قرار دئے گئے۔
اس موقع پر ایک تقریب منعقد کی گئی جس میں جمعیت اہلحدیث سے وابستہ ممبران کے علاوہ دیگر کئی کارکنان نے شرکت کی۔
مزید پڑھیں: وادی کشمیر اور خطہ پیر پنچال میں سال کی پہلی برف باری
انتخابات میں کامیابی کے بعد تقریب حلف برداری بھی منعقد کی گئی، جس میں نو منتخب صدر کو جمعیت کے آئین کے مطابق کام کرنے اور تنظیم کے تئیں وفاداری کا حلف دلایا گیا۔
انتخاب و حلف برداری تقریب مرکزی جامع مسجد اہلحدیث اکھڑہال میں منعقد کی گئی۔
