راجستھان حکومت نے رشوت لینے کے الزام میں گرفتار دوسہ کے ایس ڈی ایم پشکر متل اور بانڈیکوئی کی ایس ڈی ایم پنکی مینا کو رشوت لینے کے الزام میں معطل کردیا۔
محکمہ پرسونل کے ڈپٹی سکریٹری ڈاکٹر پریا بل رام شرما نے جمعہ کے روز دونوں افسران کو معطل کرنے کا حکم جاری کیا۔
حکم نامے میں معطلی کی مدت کے دوران دونوں افسران کو جے پور کے پرسونل ڈپارٹمنٹ میں موجود رہنے کی ہدایت دی گئی ہے۔
خیال رہے بدھ کے روز دوسہ کے ایس ڈی ایم پشکر متل کو پانچ لاکھ روپے اور بانڈیکوئی کے ایس ڈی ایم پنکی مینا کو 10 لاکھ روپے رشوت لینے کے الزام میں گرفتار کیا گیا تھا۔
