ضلع باڑمیر کے شیو تھانہ کے تحت آنے والی کشمیر گاؤں میں پیر کے روز پانی کے ٹینک میں ڈوبنے سے ایک ہی خاندان کے تین بچوں کی موت واقع ہوگئی۔
پولیس نے بچوں کے لاش کو پوسٹمارم کے بعد انہیں ان کے خاندانوں کے سپرد کردیا گیا۔
اطلاع کے مطابق کنویں کے قریب بنے پانی کے ٹینک میں دو بچے نہا رہے تھے۔جنہیں ڈوبتا دیکھ ان کی بہن بھی پانی میں اتر گئی اور انہیں بچانے کی کوشش میں وہ بھی ڈوب گئی۔حادثے کی اطلاع ملنے پر پولیس موقع پر پہنچ گئی ۔وہیں بچوں کے لاشوں کو پانی سے باہر نکالکر انہیں بھیاڑ پرائمری ہیلتھ سینٹر میں داخل کرایا گیا۔جس کے بعد پولیس نے لاشوں کو خاندان کے سپرد کردیا۔
ایس پی آنند شرما نے بتایا کہ دونوں بھائی رانا رام (15) اور جسراج (13) پانی کے ٹینک میں تیر رہے تھے۔اچانک ان کا پیر پھسلنے سے وہ ڈوبنے لگے۔انہیں ڈوبتا ہوا دیکھ رہی ان کی 18 سالہ بہن بھی پانی میں اتر گئی ۔لیکن اس دوران تینوں پانی میں ڈوب گئے اور ان کی موت واقع ہوگئی۔
