ریاست راجستھان کے دارالحکومت جے پور کے محلہ مہاوتان میں صبح 10 بجے سے شام کو چار بجے تک مسلم برادری کی مختلف سماجی تنظیموں کی جانب سے ایک خون عطیہ کیمپ منعقد کیا گیا۔
واضح رہے کہ یہ ٹیبل سوائی مان سنگھ ہسپتال کے تعاون سے منعقد کیا گیا جس میں صبح دس بجے سے دوپہر کو تین بجے تک بیس لوگوں نے اپنا خون نے کیا۔
اس پورے کیمپ کے بارے میں معلومات دیتے ہوئے سوائی مان سنگھ ہسپتال کے انچارج لئیق احمد نے بتایا کہ صبح دس بجے یہ کیمپ شروع ہوا تھا اور شام چار بجے تک یہ کیمپ جاری رہا۔
انہوں نے بتایا کہ مسلم برادری کے لوگ خون دینے سے ڈرتے ہیں ان لوگوں میں خوف کو کم کرنے کے لیے ہی اس کیمپ کا انعقاد کیا گیا ہے۔
انہوں نے بتایا کی اس علاقے میں یہ پہلا کیمپ ہوا ہے اور مختلف وقت پر اس طرح کے کیمپ منعقد کیے جاتے رہیں گے، اور ساتھ ہی نوجوانوں کو نشے سے دور رہنے کی ہدایت بھی دی گئیں۔
منعقدہ اس کیمپ میں جماعت اسلامی ہند راجستھان، راجپوتانا یونانی میڈیکل کالج، ہیلپنگ ہینڈ فاؤنڈیشن، مسلم یوتھ فارم، جےپور شیعہ کمیونٹی، راجستھان مسلم میڈیکل سوسائٹی، محلہ مہاوتان سمیت دیگر تنظیموں نے تعاون کیا۔
