کوٹہ میں کورونا وائرس نے خطرناک شکل اختیار کرلی ہے۔ کووڈ ۔19 کی وجہ سے اب تک پچھلے 24 گھنٹوں میں 11 افراد کی موت ہوچکی ہے۔ ان سبھی کو میڈیکل کالج کے نئے اسپتال میں داخل کرایا گیا۔ ان میں سے 8 افراد کا تعلق کوٹا سے ہے۔ اس کے علاوہ ضلع بندی سے بھی 2 اور چتور گڑھ ضلع کے راوت بھٹا سے ایک شخص کی موت ہوگئی ہے۔ کورونا سے کوٹا میں اب تک قریب 90 افراد کی موت ہو چکی ہے۔
کوٹہ میں ایک ہی دن میں اتنی ہلاکتوں کا معاملہ پہلی بار سامنے آیا ہے۔راجستھان کے کسی بھی ضلع میں ایک دن میں 11 لوگوں کی موت کا معاملہ سامنے نہیں آیا تھا۔پچھلے 24 گھنٹوں میں ہلاک ہونے والے 11 افراد میں ایک 35 سالہ خاتون بھی شامل ہے۔ ایسی صورتحال میں کورونا اب اس کا شکار نوجوانوں کو بھی بنا رہی ہے۔
واضح رہے کہ جن مریضوں کی موت ہوئی ہے، انمیں ریلوے سوسائٹی بجرنگ نگر کی ایک 84 سالہ بزرگ خاتون بھی شامل ہے۔اس بزرگ خاتون کو 24 اگست کو طبیعت خراب ہوجانے کی وجہ سے ریلوے اسپتال میں داخل کرایا گیا تھا، جہاں انہیں مردہ قرار دے دیا گیا۔یہاں سے نعش کو میڈیکل کالج کے نئے اسپتال لایا گیا ، جن کی جانچ کرنے پر وہ کورونا متاثر پائی گئی ہیں
