بھارتی ریاست پنجاب کے ضلع جالدھر کے دھنو والی گیٹ کے سامنے شاہراہ پر صبح کے وقت ایک دردناک سڑک حادثہ پیش آیا، جس میں ایک لڑکی کی موقع پر ہی موت ہو گئی اور دوسری لڑکی شدید زخمی ہو گئی، جسے قریبی ہسپتال میں داخل کرایا گیا ہے۔
راہگیروں نے بتایا کہ تقریباً صبح 8.30 بجے دو لڑکیاں، نوجوت کور اور ممتا دھنو والی پھاٹک کے سامنے سڑک عبور کرنے کا انتظار کررہی تھی اس دوران اچانک پھگوار کی جانب سے آرہی ایک تیز رفتار ایس یو وی نے لڑکی کو ٹکر مار کر فرار ہوگئی۔
اطلاعات کے مطابق جس گاڑی نے لڑکیوں کو ٹکر مارکر فرار ہوئی تھی اسے ایک پولیس کا ملازم چلارہا تھا۔
تصادم اتنا خوفناک تھا کہ نوجوت کور کی موقع پر ہی موت ہوگئی، جب کہ ممتا بری طرح زخمی ہوگئیں، وہیں کار چلانے والا موقع سے فرار ہوگیا۔
- مزید پڑھیں: دہلی: عاشق کے ساتھ شوہر کو پھنسانے والی خاتون اور عاشق گرفتار
- مذاق مذاق میں ایک دوست نے دوسرے دوست کی جان لے لی
اطلاعات کے مطابق دونوں لڑکیوں کا تعلق دھنو والی گاؤں سے ہے جو کوسمو ہنڈائی کمپنی میں ملازمت کرتی تھیں۔'