پلوامہ کے باباہارعلاقے میں تصادم

جموں و کشمیر کے ضلع پلوامہ کے باباہار علاقے میں سکیورٹی فورسز اور عسکریت پسندوں کے مابین تصادم جاری ہے۔

پلوامہ کے باباہار علاقے میں عسکریت پسندوں کی موجودگی سے متعلق مصدقہ اطلاع ملنے پر سیکیورٹی فورسز نے مذکورہ علاقے کو محاصرے میں لے کر تلاشی کاروائی شروع کردی ہے۔ اس دوران عسکریت پسندوں نے فورسز پر فائرنگ کی جس کے بعد طرفین میں تصادم شروع ہوگیا۔

علاقے میں تین سے چار عسکریت پسندوں کے چھپے ہونے کی اطلاع ہے۔

مزید تفصیلات کا انتظار ہے۔

ادھر ضلع بارہمولہ کے پٹن علاقے میں عسکریت پسندوں اور سیکیورٹی فورسز کے مابین ہونے والے تصادم میں دو عسکریت پسند ہلاک اور ایک فوجی افسر زخمی ہوا ہے۔