جموں و کشمیر میں ڈسٹرکٹ ڈیولپمنٹ کونسل (ڈی ڈی سی) انتخابات ہونے والے ہیں۔ اس سلسلے میں ضلع پلوامہ سے تقریبا 40 افراد نے پرچہ نامزدگی داخل کی ہے، جن میں سیاسی جماعتوں گپکار الائنس، بی جے پی کے علاوہ آزاد امیدوار بھی شامل ہیں۔
کل ضلع پلوامہ میں پہلے مرحلے کے لیے اچھوگزہ بلاک میں ووٹ ڈالے جائیں گے اس کے لئے انتظامیہ نے 9 پولنگ مراکز قائم کیا ہے۔ پہلے مرحلے میں تین امیدوار اپنی قسمت آزما رہے ہیں یہ تینوں امیدوار خواتین ہیں، جو آزاد امیدوار کے طور پر انتخابات میں حصہ لے رہی ہیں۔
انتخابات کو احسن طریقے سے مکمل کرنے کے لئے ضلع انتظامیہ نے سیکیورٹی کے سخت انتظامات کیے ہیں۔ اس دوران پی ڈی پی صدر محبوبہ مفتی نے ضلع پلوامہ کا دورہ کیا تھا، جس سے سیاسی خیموں میں ہلچل دیکھی گئی تھی، لیکن پی ڈی پی کے یوتھ لیڈر وحید الرحمن کی گرفتاری کے بعد پھر سے خاموشی چھا گئی۔
محبوبہ مفتی نے وحید الرحمن کے اہل خانہ سے ملنے کی خواہش ظاہر کی تھی، لیکن انہیں اس کی اجازت نہیں دی گئی۔
