برہن ممبئی پولیس نے اس کی اطلاع دیتے ہوئے کلگٹکر کی موت پر شدید رنج کا اظہار کیا اور ان کے کنبے کے تئیں گہری تعزیت ظاہر کی ہے ۔
کلگٹکر ونوبا بھاوے پولیس تھانے میں تعینات تھے اور کورونا وائرس سے متاثر ہوگئے تھے۔ ملک میں مہاراشٹر عالمی وبا سے سب سے زیادہ متاثر ہے اور یہاں ہر روز صورتحال خراب ہوتی جارہی ہے ۔
وہیں کورونا کے بہادر پولیس اہلکاروں کی بڑی تعداد کے متاثر ہونے سے تشویش میں اضافہ ہوگیا ہے ۔
مہاراشٹر پولیس نے بتایا کہ ریاست میں 714 پولیس اہلکار متاثر ہوئے ہیں، جن میں فی الحال 648 سرگرم معاملے ہیں۔ 61 پولیس اہلکارصحت مند ہوچکے ہیں اور پانچ کی موت ہوئی ہے ۔
ریاست کے متاثرین میں 633 سپاہی اور 81 افسران شامل ہیں۔ پولیس محکمہ کے فعال معاملوں میں 577 سپاہی اور دس افسران ہیں۔
