پالگھر لینچنگ کیس : مہاراشٹر پولیس نے رپورٹ پیش کی

مہاراشٹر پولیس نے عدالت عظمیٰ کو آگاہ کیا ہے کہ چارج شیٹ پہلے ہی دائر کی جاچکی ہے اور پالگھر لینچنگ کیس میں ملوث پولیس اہلکاروں کے خلاف بھی جانچ کی جاچکی ہے۔

پالگھر لنچنگ کیس میں سی بی آئی انکوائری کی درخواست کی مخالفت کرتے ہوئے مہاراشٹرا پولیس نے سپریم کورٹ کو آگاہ کیا ہے کہ چارج شیٹ پہلے ہی درج کی جاچکی ہے۔

مزید معلومات دیتے ہوئے بتایا گیا ہے کہ اسسٹنٹ پولیس سب انسپکٹر ، رویندر دنکر سالونکے اور ہیڈ کانسٹیبل ، نریش نگین دھونڈی کو لازمی ریٹائرمنٹ دی گئی ہے۔

اسسٹنٹ پولیس سب انسپکٹر آنندرا شیواجی کو ملازمت سے برخاست کردیا گیا ہے اور ان کے علاوہ 15 پولیس اہلکاروں کو غفلت برتنے کے الزام میں ایک پولیس کانسٹیبل کی کم سے کم تنخواہ میں 1 سے 3 سال کی مدت تک لانے کی سزا دی گئی ہے۔