یہ تصویر جس ماڈل کی ہے اس کا چہرہ دیکھ کر کوئی اس کے پیچھے کی حقیقت نہیں جان پائے گا لیکن سچائی یہ ہے کہ اس خوبصورت چہرے کے پیچھے ایک دھوکہ دہی اور فراڈ کرنے والی ذہنیت کارفرما ہے۔
جی ہاں یہ تصویر ہے آرتی سکسینہ نامی ماڈل کی جو فی الحال ممبئی کرائم برانچ کی گرفت میں ہے۔ گرفت میں ہے اپنے کالے کارنامے کی وجہ سے۔
اس ماڈل پر یہ الزام ہے کہ اس نے اپنے معشوق کے ساتھ مل کر ایک فرضی کال سنٹر کھول رکھا تھا اور امریکہ میں بیٹھے باشندوں کو کال سنٹر سے کال کر کے انھیں اینٹی وائرس سافٹ ویئر فروخت کرنے کے نام پر ان سے بھاری رقم وصول لیتی تھی۔
آرتی اپنے معشوق ڈیوڈ الفانسو کے ساتھ مل کر غیر قانونی طریقے سے یہ فرضی کال سینٹر چلا رہی تھی۔وہ بیرون ممالک کے باشندوں کو یہ کہہ کر پیسے دینے کے لئے مجبور کرتی تھی کہ انکے کمپیوٹر میں وائرس داخل ہو چکا ہے اور جلدی سے وہ اسکے لئے اینٹی وائرس خریدیں ورنہ انکے کمپیوٹر میں موجود تمام تفصیلات عام ہو جائیں گی۔
اس دوران وہ غیر ملکی باشندوں کو خود ان کے کمپیوٹر کی تفصیلات عام کرنے کی دھمکی بھی دیا کرتی تھی جس سے ڈر کر سامنے والا شخص ان کے کھاتے میں رقم منتقل کردیتا تھا۔
لیکن پیسہ منتقل کرنے کے بعد ان غیر ملکی باشندوں کو نہ ہی کسی قسم کا اینٹی وائرس ملتا اور نہ یہ دوبارہ اس شخص سے رابطہ کرتے۔
ملزمہ نے معاملہ درج ہونے کے بعد گرفتاری سے پہلے ضمانت کی عرضی ممبئی ہائی کورٹ میں داخل کی تھی لیکن یہ عرضی کورٹ نے خارج کر دی۔
جسکے بعد کرائم برانچ نے اسے گرفتار کرلیا لیکن آرتی کا معشوق ڈیوڈ اب تک پولیس کی گرفت میں نہیں آسکا ہے۔
فی الحال ممبئی کرائم برانچ اس بات کی تفتیش کر رہی ہے کہ آخر ان لوگوں نے کتنے لوگوں کے ساتھ دھوکہ دہی کی ہے۔ اور کتنوں کو چونا لگایا ہے۔
