'بی جے پی اور کانگریس او بی سی نوجوانوں کو گمراہ کررہی ہیں'

مسلم او بی سی آرگنائزیشن کے صدر شبیر انصاری نے او بی سی برادری کی مردم شماری کا مطالبہ کیا۔ ساتھ ہی شبیر انصار نے کہا کہ بی جے پی اور کانگریس دونوں پارٹیاں او بی سی نوجوانوں کو گمراہ کررہی ہیں۔

کانگریس اور بی جے پی کے رہنماؤں کو اوبی سی کے مسائل سے کوئی سروکار نہیں ہے۔ دونوں پارٹیاں مہاراشٹر میں اوبی سی سماج کو گمراہ کر رہی ہیں۔ اس لیے او بی سی کے نوجوانوں کو اپنے حقوق کے لیے خود میدان میں اترنا ہوگا۔ ان خیالات کا اظہار آل انڈیا مسلم او بی سی آرگنائزیشن کے صدر شبیر انصاری نے کیا۔

شبیر انصاری جالنہ میں ایک پریس کانفرنس سے خطاب کررہے تھے۔

انصاری کے مطابق او بی سی برادریوں کی مردم شماری ہونی چاہیئے، اس مطالبے کو لیکر عوامی تحریک شروع کی جائے گی اور ریاستی و مرکزی حکومتوں پر دباؤ بنایا جائیگا۔ عوامی تحریک کے ذریعے حکومتوں کو او بی سی کے حقوق ادا کرنے پر مجبور کیا جائیگا۔

شبیر انصاری نے دعویٰ کیا کہ او بی سی کی درجنوں تنظیمیں ان کے ساتھ ہیں۔