اورنگ آباد: بی جے پی رکن پارلیمان کے بیٹوں کی زورآوری

بی جے پی کے رکن پارلیمنٹ ڈاکٹر بھاگوت کاراڈ کے بیٹوں نے بی جے پی یوا مورچہ کے رکن کے گھر میں داخل ہو کر اس کی پٹائی کی ہے۔ مار پیٹ کا ویڈیو وائرئل ہو رہا ہے ۔

ریاست مہاراشٹر کے اورنگ آباد سے حال ہی میں بی جے پی کے ٹکٹ پر راجیہ سبھا پہنچنے والے رکن پارلیمنٹ ڈاکٹر بھاگوت کاراڈ کے فرزندوں کی لڑائی کا ویڈیو وائرل ہورہا ہے ۔

بتایا جا رہا ہے اورنگ آباد کے کوٹلہ کالونی میں کوویڈ ۔19 کے سبب علاقے میں بھارتیہ جنتا پارٹی یووا مورچہ کا رکن کونال مراٹھے علاقے میں سنیٹا ئیز کر وا رہا تھا۔بس اسی بات پر رکن پارلیمنٹ کے فرزند آگ بگولہ ہوگئے ۔ انہوں نے کونال مراٹھے کے گھر میں داخل ہو کر کر اُس کی پٹائی کردی۔

جسکے بعد کونال مراٹھے میں اورنگ آباد کے کرانتی چوک پولیس تھانے میں رکن پارلیمنٹ کے دونوں فرزندوں سمیت ان کے ساتھیوں کے خلاف شکایت درج کروائی ہے۔ یہ معاملہ دیر رات ہوا ہے اس معاملے کی تفتیش پولیس کر رہی ہے۔