مسلمانوں سے زیادہ سے زیادہ ووٹ ڈالنے کی اپیل

ریاست مدھیہ پردیش کے دارالحکومت بھوپال میں 12 مئی کو ووٹنگ ہوگی جو کہ رمضان میں ہے- اس لیے بھوپال شہر قاضی اور علماء حضرات نے رمضان میں مسلم طبقے سے ووٹ ڈالنے کی اپیل کی ہے-

اس موقع پر بھوپال مساجد کمیٹی میں پریس کانفرنس کا انعقاد کیا گیا جس میں شہر مفتی ابوالکلام نے کہا کہ 'ہمارے ملک میں جمہوری نظام ہے اور اس میں ہر شخص جو بالغ ہے، اسے ووٹ دینے کا حق ہے اور اسے اپنے ووٹ کا استعمال کرنا چاہیے-'

مولانا حفیظ نے کہا کہ 'ہمارے شہریوں کی بھی یہ خواہش ہونا چاہیے کہ ان کے ملک کا حکمراں شاندار ہونا چاہیے، با کردار ہونا چاہیے۔ اگر ہم اچھے لوگوں کو منتخب کریں گے تو ہمارا ملک بھی اچھے ملکوں میں شمار ہوگا، اس لیے سبھی مسلمانوں سے اپیل ہے کہ زیادہ سے زیادہ ووٹنگ میں حصہ لیں-'

بھوپال شہر قاضی سید مشتاق ندوی نے کہا کہ 'الیکشن ہماری ذمہ داری ہے، اس لیے ہمیں باشعور شہری بننا چاہیے تاکہ ہندوستان میں اچھے سے اچھا نظام قائم ہو سکے۔

انہوں نے کہا کہ 'الیکشن رمضان میں ہے اس لیے رمضان کا بہانہ بنا کر ووٹ ڈالنے سے محروم نہ رہیں بلکہ جلد سے جلد ووٹ ڈال کر فارغ ہونے کی کوشش کریں۔'