'تمام سیٹوں پر سبقت حاصل کریں گے'

ریاست مدھیہ پردیش میں آخری مرحلے میں آج آٹھ اضلاع اندور، اجین، مندسور، رتلام، دیواس، دھار، کھرگھون اور کھنڈوا میں ووٹ ڈالے جارہے ہیں۔

اس موقع پر بھارتیہ جنتا پارٹی کے سینیئر رہنما اور مدھیہ پردیش کے سابق وزیر اعلیٰ شیوراج سنگھ چوہان نے کہا کہ مدھیہ پردیش کے ووٹرز میں زبردست جوش دیکھا جا رہا ہے اور وہ بڑی تعداد میں بی جے پی کے حق میں حق رائے دہی کا استعمال کر رہے ہیں-

انہوں نے کہا ملک میں مودی کا جادو چل رہا ہے اور لوگ آٹھوں اضلاع میں بھارتیہ جنتا پارٹی کو ووٹ دےرہے ہیں اور کانگریس کو بنسبت بی جے پی کم ووٹ حاصل ہونے کے امکان ہیں۔ کانگریس پر الزام لگاتے ہوئے انہوں نے کہا کہ کانگریس کی صوبائی حکومت کو چار مہینے گزر چکے ہیں اس حکومت نے اب تک عوام کے لیے کوئی کام نہیں کیا ہے، یہاں تک کہ اپنے منشور میں کیے گئے وعدوں کو بھی ابھی تک پورا نہیں کیا ہے-

انہوں نے مغربی بنگال کی وزیر اعلیٰ ممتا بینرجی کے متعلق پوچھے گئے سوال کے جواب میں کہا کہ ممتا جی کی تانا شاہی اور دہشت کی وجہ سے عوام گھروں سے نکل کر ان کے لیے ووٹ دے رہی ہے، وہی مدھیہ پردیش کی سیٹوں پر بات کرتے ہوئے انہوں نے دعویٰ کیا کہ بھارتیہ جنتا پارٹی پوری 29 سیٹوں پر جیت درج کرائی گئی اور آج کی اٹھوں سیٹ بھارتی جنتا پارٹی جیتے گی۔