'وعدہ پورا کرنے والے امیدوار کو ہی ووٹ دیا جائےگا'

بھوپال گیس سانحے جو سنہ 1984 میں ہوا تھا اس حادثے میں ہزاروں جانیں گئی تھیں اور لاکھوں زخمی ہوئے تھے۔ حادثے کو 34 برس ہوگئے لیکن اب تک متاثرین کو بہتر معاوضہ نہیں دیا گیا۔

ای ٹی وی بھارت سے بات کرتے ہوئے گیس متاثرین نے کہا کہ 'ان کے شروع سے پانچ مطالبات تھے جن میں متاثرین کو معاوضہ اور طبی سہولیات فراہم کرانا اور حادثے میں ملوث ملزمین کو سزا دلوانا بھی شامل تھا لیکن کوئی بھی مطالبہ پورا نہیں کیا گیا'۔

انہوں نے مزید کہا کہ 'حکومتیں بدلتی گئی لیکن کوئی بھی حکومت ان کی امیدوں پر کھری نہیں اتری'۔

متاثرین نے حکومت کی مذمت کرتے ہوئے کہا کہ 'بی جے پی ہو یا کانگریس سبھی ان کو نظر انداز کررہے ہیں'۔

انہوں نے مزید کہا کہ نہ تو ان کے علاج کا صحیح انتظام ہے اور نہ ہی ان کے بچوں کے لیے تعلیم اور روزگار فراہم کیا جارہا'۔