سابق راجیہ سبھا ممبر اور پیپلز کانفرنس لیڈر نذیر احمد لاوے نے کانسٹبل نثار احمد اور بی جے پی لیڈر غلام رسول ڈار اور ان کی اہلیہ کی ہلاکت کی مذمت کرتے ہوئے اسے انسانیت سوز اور کشمیر کش اقدام قرار دیا۔
سابق راجیہ سبھا ممبر نے آکورہ اننت ناگ میں کانسٹیبل شہید نثار احمد کے گھر جاکر ان کے اہل خانہ سے تعزیت کا اظہار کیا، وہیں اس دوران انہوں نے ضلع اننت ناگ میں مقیم ضلع کولگام کے رہنے والے بی جے پی لیڈر غلام رسول ڈار اور ان کی اہلیہ پر عسکریت پسندوں کے حملے کی بھی مذمت کی۔
پیر کی سہ پہر نامعلوم بندوق برداروں نے ضلع کولگام کے رہنے والے بی جے پی کے سرپنچ اور اس کی اہلیہ پر فائرنگ کی جس دوران دونوں میاں بیوی ہلاک ہو گئے۔
مزید پڑھیں: عسکریت پسندوں کی فائرنگ سے بی جے پی سرپنچ اور ان کی اہلیہ ہلاک
قابل ذکر ہے کہ سابق راجیہ سبھا ممبر نذیر احمد لاوے نے پیپلز ڈیموکریٹک پارٹی سے کنارہ کرکے سجاد غنی لون کی سربراہی والی مین اسٹریم سیاسی جماعت پیپلز کانفرنس میں شمولیت اختیار کی۔
