نئی قومی تعلیمی پالیسی کے خلاف دلت سماج نے اٹھائی آواز

ملک بھر میں متعدد طلبا، اساتذہ و سماجی تنظیمیں مرکز کی جانب سے نافذ کی جارہی نئی قومی تعلیمی پالیسی کی مخالفت کر رہی ہیں۔

ریاست کرناٹک کے دلت سماج کی بڑی تنظیم 'دلت سنگھرش سمیتی' کے رہنما رمیش کہتے ہیں کہ نریندر مودی کے اقتدار والی مرکزی حکومت و کرناٹک میں بی جے پی حکومت بغیر کسی بحث کے نئی قومی تعلیمی پالیسی کو عوام پر تھوپ رہی ہیں۔

رمیش کہتے ہیں کہ 'نئی نیشنل ایجوکیشن پالیسی' سماجی انصاف کے اقدار کے خلاف ہے۔

دلت سنگھرش سمیتی نے حکومت کو متنبہ کرتے ہوئے کہا کہ حکومت نئی قومی تعلیمی پالیسی کے نفاذ سے پرہیز کرے بصورت دیگر عوامی جدوجہد میں تیزی لائی جائے گی۔

واضح رہے کہ کرناٹک میں بی جے حکومت نے 'نئی قومی تعلیمی پالیسی' کے نفاذ کی تیاریاں شروع کردی ہیں جبکہ ریاست بھر میں اس پالیسی کے خلاف زبردست احتجاجی مظاہرے کیے جا رہے ہیں۔