نئی دہلی: ٹیم انڈیا کے سابق بلے باز وریندر سہواگ کے بیٹے آریاویر نے اپنے والد کے نقش قدم پر چلتے ہوئے اپنے ڈیبیو میچ میں ہی شاندار اننگز کھیل دی۔
سہواگ کے بیٹے آریاویر سہواگ نے ونو مانکڈ ٹرافی میں دہلی انڈر 19 ٹیم کے لیے ڈیبیو کیا۔ اس ٹورنامنٹ کا میچ 4 اکتوبر کو دہلی اور منی پور کے درمیان کھیلا گیا۔ جس میں انہوں نے دھماکہ خیز اننگز کھیل کر اپنے والد کا سر فخر سے بلند کر دیا۔
آریاویر نے ونو مانکڈ ٹورنامنٹ کے میچ میں 49 رنز کی اننگز کھیلی۔ لیکن وہ نصف سنچری بنانے سے محروم رہے۔ اس اننگز کے دوران آریاویر نے 6 چوکے اور 1 چھکا بھی لگا۔
میچ میں منی پور نے پہلے بلےبازی کرتے ہوئے 49.1 اوور میں 168 رنز بنائے۔ جبکہ دہلی نے یہ ہدف 26 اوورز میں 4 وکٹوں کے نقصان پر 169 رنز بنا کر حاصل کر لیا۔ آریاویر نے دہلی ٹیم کے کپتان پرناو پنت کے ساتھ مل کر 20 اوور میں 100 رنز بنائے۔
Virender Sehwag's son Aaryavir Sehwag made his U19 debut for Delhi today.
— Varun Giri (@Varungiri0) October 4, 2024
-49(64) to start U19 career. https://t.co/rp2k0kCanp pic.twitter.com/GzCu6DPJUF
اس شاندار کارکردگی کے بعد سہواگ کے بیٹے آریاویر نے بھارت کی قومی ٹیم میں کھیلنے کے امکانات بڑھ گئے ہیں۔ اس سے قبل سابق بھارتی کرکٹ اور ٹیم انڈیا کے کوچ رہ چکے راہل دراوڈ کے بیٹے سَمت دراوڈ نے بھی کرناٹک کی مہاراجا لیگ میں ڈیبیو کرکے شاندار کھیل کا مظاہرہ کیا جس کے بعد سمیت کو بھارت کی انڈر 19 ٹیم کے لیے بھی منتخب کیا گیا۔
سہواگ کے بیٹے کو بی سی سی آئی انڈر 16 ڈومیسٹک ٹورنامنٹ میں بھی کھیلتے ہوئے دیکھا گیا تھا۔ جہاں انہوں نے وجے مرچنٹ ٹرافی 2023 میں اچھی کارکردگی کا مظاہرہ کیا۔ اب ان کا مقصد مستقبل میں دراوڈ کے بیٹے کی طرح بھارت کی انڈر 19 ٹیم میں جگہ بنانا ہوگا۔ جس کے بعد وہ اپنے والد کی طرح ٹیم انڈیا کے لیے کھیلنے کا دعویٰ پیش کر سکیں گے۔
