بارہمولہ میں ایک ہی دن میں پانچ منشیات فروش گرفتار، ممنوعہ مادہ ضبط

بارہمولہ پولیس نے ایک ہی دن میں تین الگ الگ واقعات میں پانچ منشیات فروشوں کو ممنوعہ مادے کے ساتھ گرفتار کرنے کا دعویٰ کیا۔

بارہمولہ (کوثر عرفات): جموں و کشمیر کے ضلع بارہمولہ میں پولیس نے سنیچر کے روز پانچ منشیات فروشوں کو گرفتار کرتے ہوئے ان کے قبضے سے ممنوعہ اشیاء برآمد ضبط کر لیا۔ پولیس کی جانب سے فراہم کی گئیں تفصیلات کے مطابق تھانہ چندوسہ کی پولیس پارٹی نے ایس ایچ او پی ایس چندوسہ کی سربراہی میں ٹھنڈہ کاسی چندوسہ میں قائم چوکی پر ایک شخص کو روکا۔ تلاشی کے دوران اس کے قبضے سے 56 گرام ممنوعہ چرس برآمد ہوئی۔ بعد ازاں اس کی شناخت محمد شعبان مرے ولد مرحوم غ محمد ساکن دڈبگ کے نام سے ہوئی۔ ملزم کو گرفتار کر لیا گیا ہے۔

اسی طرح تھانہ بونیار کی ایک پولیس پارٹی نے ایس ایچ او پی ایس بونیار کی سربراہی میں لمبر بونیار میں قائم چوکی پر دو افراد کو روکا۔ تلاشی کے دوران ان کے قبضے سے 88 گرام چرس جیسی چیز برآمد ہوئی۔ بعد ازاں ملزمین کی شناخت مہراج احمد نجار ولد مرحوم فتح نجار ساکن لمبر اور شبیر احمد بکروال ولد وزیر محمد ساکن باباگیل لمبر کے طور پر ہوئی۔ بعد میں ان دونوں ملزمین کو بھی گرفتار کر لیا گیا۔

بارہمولہ میں پانچ منشیات فروش گرفتار (ETV Bharat)

مذکورہ بالا کے گرفتاریوں کے علاوہ بابریشی کراسنگ پر قائم چوکی پر آئی سی پی پی بابریشی کی سربراہی میں پولیس چوکی بابریشی کی پولیس پارٹی نے دو افراد کو روک کر تلاشی لی۔ اس دوران ان کے قبضے سے 85 گرام چرس جیسا مادہ برآمد ہوا۔ بعد ازاں ان کی شناخت اشفاق احمد ماگرے اور داؤد احمد ماگرے ولد رسول ماگرے، ساکن ڈڈبگ کے طور پر ہوئی۔ ان دونوں ملزمان کو بھی گرفتار کر لیا گیا۔ اس معاملے میں پولیس اسٹیشن چندوسہ، بونیار اور ٹنگمرگ میں قانون کی متعلقہ دفعات کے تحت مقدمات درج کرکے تحقیقات شروع کردی گئی ہیں۔