کرناٹک کی میسور یونیورسٹی میں 19 اکتوبر کو تقریب صدی میں انفوسِس کی چیئرپرسن سدھا مورتی کو اعزازی ڈاکٹریٹ کی ڈگری سے نوازا جائے گا۔
یونیورسٹی کے وائس چانسلر پروفیسر جی ہیمنٹ کمار نے جمعہ کے روز یہاں صحافیوں کو بتایا کہ سماجی خدمات کے لیے اور ذاتی حصولیابیوں کے پیش نظر محترمہ سدھا مورتی کو تقسیم اسناد کی تقریب میں ڈاکٹریٹ کی ڈگری سے نوازا جائے گا۔
انہوں نے کہا،’وبا کے پیش نظر محترمہ سدھا مورتی شاید تقسیم اسناد کی تقریب میں شریک نہ ہو پائیں لیکن بعد میں ہم کسی تاریخ کو بنگلور میں ان کی رہائش گاہ پر جاکر انھیں یہ اعزازی ڈاکٹریٹ کی ڈگری تفویض کریں گے‘۔
یہ بھی پڑھیں:
نیٹ 2020 کے نتائج کا اعلان
سدھا مورتی انجینئرنگ کی استاذ، کناڈا، مراٹھی اور انگریزی مصنف ہونے کے ساتھ ساتھ ایک سماجی کارکن بھی ہیں۔ اور اس ک ساتھ وہ انفسوس فاؤنڈیشن کی چیئرپرسن بھی ہیں۔
