کانپور: گنگا کے کنارے واقع خوبصورت گرین پارک اسٹیڈیم میں 27 ستمبر سے بھارت اور بنگلہ دیش کے درمیان دوسرا ٹیسٹ میچ کھیلا جائے گا۔ اس میچ کا آغاز لارڈز کی طرز پر گھنٹی بجا کر کیا جائے گا۔
میچ کا آغاز سابق کرکٹرز سنیل گواسکر اور روی شاستری کے ہاتھوں اسٹیڈیم میں لگی گھنٹی کو بجا کر کیا جائے گا۔ 76 سال کی تاریخ میں پہلی بار اس اسٹیڈیم میں گھنٹی بجا کر انٹرنیشنل میچ کا آغاز کیا جائے گا۔
اتر پردیش کرکٹ ایسوسی ایشن کے سینئر عہدیداروں کا کہنا ہے کہ دنیا کے بیشتر کرکٹ اسٹیڈیم میں میچ کا آغاز گھنٹی بجا کر کیا جاتا ہے۔ اس گھنٹی کے پیچھے میچ شروع کرنے کا بنیادی مقصد ان سابق کھلاڑیوں کو اعزاز دینا ہے جنہوں نے انٹرنیشنل کرکٹ میں اپنی خاص پہچان بنائی ہے۔
واضح رہے کہ انگلینڈ کا لارڈز اسٹیڈیم، جسے کرکٹ کا مکہ کہا جاتا ہے، میں 2007 میں ٹیسٹ میچ شروع کرنے سے پہلے گھنٹی بجانے کا آغاز کیا گیا تھا۔ بھارت میں کولکاتہ کے ایڈن گارڈن اسٹیڈیم میں بھی گھنٹی بجا کر ٹیسٹ میچ شروع کیا جاتا ہے۔
گرین پارک اسٹیڈیم کے منتظمین کا کہنا ہے کہ اس ٹیسٹ میچ میں ایک یادگار لمحہ شائقین کے سامنے ہمیشہ کے لیے قید ہو جائے گا کیونکہ یہ ٹیسٹ میچ گھنٹی بجنے کے بعد شروع ہوگا۔
اس کے علاوہ گرین پارک اسٹیڈیم کے اندر خصوصی انتظمامات بھی کیے گئے ہیں، میڈیا گیلری کے قریب وی وی آئی پیز کے لیے ایئر کنڈیشنڈ ٹینٹ بھی لگایا گیا ہے۔ جس میں 350 مہمانوں کے بیٹھنے کی گنجائش ہے۔ ان مہمانوں کے لیے خیمے کے اندر خصوصی انتظامات ہوں گے۔
ان مہمانوں میں کئی سابق کرکٹرز بھی شامل ہیں۔ میچ کے دوران کانپور میں شائقین کو سابق بھارتی اسٹار کرکٹر سنیل گواسکر کی کمنٹری بھی کریں گے۔ سنیل گواسکر بدھ کی شام تک کانپور پہنچ جائیں گے۔ یہاں وہ سول لائنز میں اپنے سسرال میں قیام کریں گے اور پھر وہ جمعرات کو گرین پارک اسٹیڈیم پہنچیں گے۔
