محمد ہادی نے کہا کہ نئی تعلیمی پالیسی کے تعلق سے کہا کہ بی جے پی پارٹی کے انتخابی منشور میں اس بات کو شامل کیا گیا تھا کہ اگر وہ اقتدار میں آئے گی تو نئی تعلیمی پالیسی نافذ کی جائے گی۔
انہوں نے کہا کہ جب بی جے پی حکومت اقتدار میں آئی تو اس نے تعلیمی پالیسی کے لیے گزشتہ پانچ برسوں سے اس پر کام کر رہی تھی اور اسے نافذ کرنے کی کوشش کی جارہی ہے۔
محمد ہادی نے مزید کہا کہ 'نئی پالیسی کے لیے لوگوں سے رائے اور مشورے طلب کیے گئے اور اس تعلیمی پالیسی میں ایک لاکھ پچیس ہزار لوگوں کی رائے کو بھی شامل کرتے ہوئے اس پالیسی کو عمل میں لایا جا رہا ہے۔
انہوں نے کہا کہ نئی تعلیمی پالیسی میں اردو زبان کو نظر انداز کیا گیا ہے۔ اردو نے ملک کی آزادی میں اہم رول ادا کیا ہے لیکن افسوس کہ اس نئی تعلیمی پالیسی میں اردو زبان کو شامل نہیں کیا گیا ہے ہم حکومت سے اپیل کرتے ہیں کہ نئی تعلیمی پالیسی میں اردو زبان کو بھی شامل کیا جائے۔
