حال ہی میں ریاست بہار میں ہوئے انتخابات کے متعلق بات کرتے ہوئے شہر بنگلورو کے معروف سماجی کارکن عالم پاشاہ نے آل انڈیا مجلس اتحاد المسلمین پر سنگین الزام عائد کیا ہے کہ اس پارٹی نے اپنے پتنگ کے نشان کے بجائے ہرا کپڑا چاند تارہ، وغیرہ بنایا ہے جو کہ پاکستان کی پہچان ہے، وہ اس کا استعمال کر کے بہار کے لوگوں کو گمراہ کیا ہے۔
عالم پاشا نے مزید کہا انہوں نے کہا کہ اس قسم کی نشانیوں سے ایم آئی ایم نے بہار انتخابات میں ہندو مسلم کی سیاست کی اور پانچ نشستیں جیت لیں۔
عالم پاشاہ نے مزید کہا کہ مجلس اتحاد المسلمین کے رہنماؤں نے حیدرآباد میں ہی اب تک کوئی خاص ترقیاتی کام نہیں کیے، اور یہی وجہ ہے کہ تاریخی شہر حیدرآباد آج خستہ حالی کا شکار ہے اور اب یہی سیاستدان ریاست بہار کا بھی بیڑا غرک کریں گے۔
عالم پاشاہ کے اس بیان پر رد عمل ظاہر کرتے ہوئے ایم آئی ایم کے ضلع بنگلورو کے صدر شرف الدین نے کہا کہ ان کی پارٹی کا جھنڈا صرف ہرے رنگ کا نہیں بلکہ نیلا بھی ہے اور وہ ایک سیکولر پارٹی ییں جو ہندو، مسلم، دلت و سبھی کے لیے کام کرتے ہیں، لہذا عالم پاشاہ کے الزامات بے بنیاد ہیں۔'
