ڈاکٹر مسیح الدین نے کہا کہ خشک میوہ جات بھی قوت مدافعت میں کافی فائدہ مند ثابت ہوتے ہیں۔ پھل نہ ملنے کی صورت میں خشک میوہ جات کے استعمال سے قوت مدافعت میں اضافہ کیا جاسکتا ہے۔
انہوں نے کہا کہ خشک میوہ جات جیسے کاجو، بادام، پستہ اور خشک کھجور کا زیادہ سے زیادہ استعمال کریں، اس سے آپ کی قوت مدافعت میں اضافہ ہوگا۔ انہوں نے یہ بھی کہا کہ شوگر کے مریض کاجو اور بادام استعمال کرنے سے پرہیز کریں۔
ڈاکٹر مسیح نے کہا کہ بچوں کو فریج میں رکھے ہوئے فروٹ نہ کھلائیں۔ فریج میں رکھے ہوئے فروٹ کو نکال کر اس میں ٹھنڈک ختم ہونے کے بعد پھلوں کا استعمال کریں کیونکہ فرج میں رکھے ہوئے فروٹ کا استعمال کرنے سے صحت پر برے اثرات مرتب ہو سکتے ہیں۔
مزید پڑھیں: ہاتھرس جنسی تشدد: سی بی آئی نے مقدمہ درج کیا
انہوں نے مزید بتایا کہ بچوں کو تیل و مرچ مسالہ سے بنی چیزوں سے دور رکھیں اور بچوں میں پھلوں کے زیادہ سے زیادہ استعمال کی عادت ڈالیں تاکہ بچے صحتمند زندگی گذار سکیں۔
