جموں میں بارش سے موسم خوشگوار

جموں میں لگاتار بارش سے دریا توی میں پانی کا بہاؤ بڑھ گیا ہے جس سے توی کے کنارے رہ رہے لوگوں کو تشویش لاحق ہو گئی ہے۔

جموں میں موسلادھار بارش سے درجہ حرارت میں کچھ حد تک کمی درج کی گئی ہے، جس سے لوگوں نے گرمی سے راحت لی۔

کل رات سے لگاتار بارش نے جموں کے عوام کو گرمی سے تھوڑی راحت دیتے ہوئے موسم کو خوشگوار بنادیا۔ جموں میں لگاتار بارش سے دریا توی میں پانی کا بہاؤ بڑھ گیا ہے جس سے توی کے کنارے رہ رہے لوگوں کو تشویش لاحق ہو گئی ہے۔

اس کے علاوہ جموں کے آس پاس کے اضلاع میں بھی بادل چھائے ہوئے ہیں۔ گزشتہ ہفتہ کو جموں شہر میں درجہ حرارت 41 ڈگری کے پار پہنچ گیا تھا۔

یاد رہے جموں کے ساتھ ساتھ پورا شمالی بھارت شدید گرمی کی لپیٹ میں ہے۔ ایسے میں بارش نے جموں کے عوام کو کچھ راحت پہنچائی ہے۔