جموں و کشمیر میں محکمہ موسمیات کی پیشن گوئی کے مطابق وادی کشمیر کے چند پہاڑی علاقوں میں آج برفباری ہوئی جبکہ میدانی علاقوں میں بارش ہوئی۔
وادی کشمیر میں برفباری سے جموں میں بھی موسم تبدیل
وادی کشمیر میں برفباری اور بارش کی وجہ سے جموں میں بھی موسم سرد ہوگیا، جس کی وجہ سے جموں میں بھی لوگوں نے گرم ملبوسات کی خریداری شروع کردی ہے۔
وہیں دوسری جانب پہاڑی علاقہ شوپیاں میں برف باری کے سبب مغل روڈ پر آمد رفت کو بند کردیا گیا ہے اور ٹریفک پولیسں نے جموں سرینگر قومی شاہراہ پر سفر کرنے والوں سے اپیل کی ہے کہ وہ سفر کرنے سے قبل ٹریفک کنٹرول سے رابطہ قائم کرلیں۔
