شوپیان میں مشتبہ عسکریت پسندوں نے ڈیوٹی پر مامور سی آر پی ایف کی ایک ناکہ پارٹی پر حملہ کیا۔ تاہم اس حملے میں کسی بھی جانی نقصان کی کوئی اطلاع نہیں ہے۔
جنوبی کشمیر کے شوپیان قصبہ کے بنہ بازار چوک میں تعینات سی آر پی ایف کی ناکہ پارٹی پر مشتبہ عسکریت پسندوں نے اتوار کی صبح 9 بجکر 57 منٹ پر فائرنگ کی جس کے بعد سکیورٹی اہلکاروں نے بھی جوابی کارروائی کی۔
اس حملے میں کسی کے زخمی یا ہلاک ہونے کی کوئی اطلاع نہیں ملی ہے۔ فائرنگ کی وجہ سے آس پاس کے علاقوں میں ڈر کا ماحول ہے اور لوگ گھروں کی طرف بھاگتے دیکھے گئے۔
یہ بھی پڑھیں
رنبیر گڑھ تصادم: عسکریت پسندوں کی شناخت
سکیورٹی فورسز نے علاقے کو محاصرے میں لے لیا اور حملہ آوروں کو ڈھونڈ نکالنے کے لیے تلاشی کارروائی شروع کردی ہے۔
واضح رہے کہ گزشتہ روز جموں و کشمیر کے دارالحکومت سرینگر کے مضافاتی علاقہ رنبیر گڑھ میں ہونے والے تصادم میں شدت پسند تنظیم لشکر طیبہ کے دو عسکریت پسند ہلاک ہوئے تھے۔
