پلوامہ: جہاں وادی کشمیر میں پچھلے کئی ماہ سے درج حرارت میں اضافہ دیکھنے کو ملا تھا جس کے سبب کسانوں میں کافی تشویش پایا جارہا تھا۔ وادی بھر کے ساتھ ساتھ ضلع پلوامہ میں خشک سالی جیسی صورتحال پیدا ہو گئی تھی۔ آج صبح سے ہی ضلع پلوامہ میں بارش کا سلسلہ شروع ہوا جس کی وجہ سے کسان کافی خوش نظر ارہے ہیں۔ ذرائع کے مطابق مرکز کے زیر انتظام یوٹی جموں و کشمیر پلوامہ ضلع کے مختلف علاقوں میں موسلادھار بارش سے عام زندگی مفلوج ہوکر رہ گئی۔موسلا دھار بارش کے سبب کسانوں کو بھی پریشانیوں کا سامنا کرنا پڑ رہا ہے۔مختلف علاقوں میں فصلوں کی برباد ہونے کی اطلاع ہے ۔
یہ بھی پڑھیں: Govt must support apple industry کاشتکاروں کا حکومت سے سیب صنعت کو بچانے کا مطالبہ
یہ بات قابلِ ذکر ہے کہ محکمہ موسمیات کے مطابق وادی کشمیر میں 15 ستمبر تک موسمی صورتحال جوں کی توں رہ کر گرمی کی شدت جاری رہنے کا امکان ہے۔ محکمہ موسمیات کے مطابق 15 ستمبر کے بعد وادی میں موسم میں تبدیلی متوقع ہے جس دوران 17 اور 18 ستمبر کو ہلکی بارشوں کا بھی امکان ہے۔ اس دوران موسم ابر آلود رہ سکتا ہے۔ اس سے درجہ حرارت میں کمی ہو ہوسکتی ہے۔محکمہ موسمیات کے مطابق پلوامہ ضلع سمیت مختلف اضلاع میں موسلا دھار بارش کا بھی امکان ہے۔
