سرینگر: جموں و کشمیر میں جاری اسمبلی انتخابات کے دوسرے مرحلے کے لیے انتخابی تشہیر کا آج آخری دن ہے۔ سیاسی پارٹیاں اپنے اپنے امیدواروں کی کامیابی کو یقینی بنانے کے لیے پورا زور لگا رہی ہیں۔ دریں اثنا 22 ستمبر کو جموں و کشمیر کی گرمائی راجدھانی سرینگر میں نیشنل کانفرنس کی طرف سے ایک شکارا ریلی کا انعقاد کیا گیا۔ ڈل جھیل میں منعقدہ شکارا ریلی میں نیشنل کانفرنس کے نائب صدر عمر عبداللہ، ممبر پارلیمنٹ آغا روح اللہ اور حلقہ انتخاب زڈی بل تنویر صادق نے شرکت کی۔ پارٹی قائدین کے علاوہ درجنوں بھی شکارا پر موجود تھے۔
ریلی کے دوران میڈیا سے خطاب کرتے ہوئے سابق وزیر اعلیٰ عمر عبد اللہ نے ایک سوال کے جواب میں کہا کہ ان انتخابات کے نتیجے میں معلق اسمبلی کی کوئی گنجائش نہیں ہے۔ انہوں نے بی جے پی پر نشانہ لگاتے ہوئے کہا کہ وہ تو چاہیں گے کہ کسی کو اکثریت نہ ملے اور معلق اسمبلی ہو تاکہ انہیں گورنر رول کو مزید کھینچنے کا بہانہ مل سکے۔
مزید پڑھیں: جب چین سے بات چیت کی جاسکتی ہے تو پاکستان سے کیوں نہیں؟ امت شاہ سے فاروق عبداللہ کا سوال
عمر عبدللہ بڈگام نشست پر این سی کا دبدبہ برقرار رکھنے میں کیا اس مرتبہ کامیاب ہونگے؟
نیشنل کانفرنس کی جانب سے اس شکارا ریلی کا کا انعقاد زڈیبل حلقہ انتخاب کے امیدوار تنویر صادق کے حق میں انتخابی تشہیر کے لیے کیا گیا۔ ریلی میں پارٹی لیڈران شکارا پر نیشنل کانفرنس کا جھنڈا لہراتے ہوئے دیکھے گئے۔ اس دوران عمر عبداللہ کو بھی ہل نشان والا جھنڈا لہرتے ہوئے دیکھا گیا۔
