ڈوڈہ:جموں و کشمیر کے ضلع ڈوڈہ کے برف سے ڈھکے اتخار میں ڈی سی نے بلاک دیوس اور بیداری مہم کے دوران مقامی باشندوں سے بات چیت کی اور ان کے مسائل کے جلد سے جلد حل کی یقینی دہانی کرائی۔اس موقع پر مقامی باشدوں نے ڈی سی ڈوڈہ کو اپنے اپنے مسائل سے آگاہ کیا۔
اس موقع پر ضلع میں چار مختلف مقامات گورنمنٹ ہائیر سیکنڈری اسکول سرتینگل سب ڈسٹرکٹ بھدرواہ، سب ڈویژنل ہیڈ کوارٹر سب ڈویژن گندوہ، بلاک ہیڈ کوارٹر اسر سب ڈویژن اسر اور بوائز ہائر سیکنڈری سکول ٹھٹھری سب ڈویژن ٹھٹھری میں بلاک دیوس پروگرام کا انعقاد کیا گیا۔
ڈپٹی کمشنر ڈوڈہ وشیش پال مہاجن نے ایس ایس پی ڈوڈہ عبدالقیوم، اے ڈی سی بھدرواہ چودھری دل میر، بی ڈی سی چیئرپرسن اومی چند، ڈی ڈی سی کونسلر ٹھاکر یودھویر سنگھ اور دیگر ضلع افسران کے ساتھ گورنمنٹ ہائر سیکنڈری اسکول سرتینگل میں پی آر آئی اور عام لوگوں سے بات چیت کی۔
ایس ایس پی ڈوڈہ نے تقریب سے خطاب کرتے ہوئے کہا کہ ضلع میں خاص طور پر دیہی علاقوں میں سیکورٹی کے نظام کو مضبوط بنانے کے لئے گاؤں کی نگرانی کی کمیونٹیز قائم کی گئی ہیں۔ ہر ایک کو اپنی ذمہ داری محسوس کرنی چاہیے ۔وہ اپنے علاقے میں کسی بھی غیر معمولی سرگرمی یا کسی مشکوک شخص کی اطلاع دیں تاکہ علاقے میں کسی بھی ناخوشگوار واقعے کو کنٹرول کیا جا سکے۔ انہوں نے منشیات کے استعمال، ٹریفک قوانین، خلاف ورزیوں جیسے دیگر مسائل پر بھی بات کی۔
یہ بھی پڑھیں:Three Days Multimedia exhibition اونتی پورہ میں سی بی سی کی جانب تین روزہ نمائش جاری
ڈی سی نے کہاکہ انتظامیہ نے وادی بھدرواہ میں اس ماہ کے آخری ہفتے میں دو روزہ میگا ٹورازم سرگرمی آسکنی اتسو منعقد کرنے کا منصوبہ بنایا ہے۔ ضلعی انتظامیہ اس سال آسکینی اتسو اور سیاحتی سیزن کے دوران سیاحوں کی بڑی تعداد میں آنے کے لئے پر امید ہے۔ ڈی سی نے عوام سے اپیل کی کہ وہ اس سال سیاحتی سیزن سے قبل تمام تر تیاریاں کر لیں تاکہ زیادہ سے زیادہ استفادہ کیا جا سکے۔
