بڈگام : یو ٹی جموں و کشمیر کے وسطی ضلع بڈگام میں آج شام سے پہلے ضلع کے بریل وترہیل علاقے میں ایک بس سڑک سے پھسل کر کھائی میں گر گئی۔ اس حادثے میں بارڈر سیکورٹی فورس (بی ایس ایف) کے چار اہلکار ہلاک اور متعدد زخمی ہوگئے۔
ایک اہلکار نے بتایا کہ بی ایس ایف کے 36 جوانوں سے بھری ایک بس بریل گاؤں میں سڑک سے پھسل کر کھائی میں گر گئی۔انہوں نے کہا کہ اس واقعہ میں بی ایس ایف کے چار اہلکار کی موت واقع ہو گئی ہے جبکہ دو درجن سے زیادہ اہلکار زخمی ہوگئے ہیں۔
ایس ڈی آر ایف بڈگام اور دیگر ایجنسیوں کا مشترکہ ریسکیو آپریشن جاری ہے۔ ایس ڈی آر ایف کشمیر کے مطابق اب تک چار ڈیڈ باڈی نکالی گئی ہیں۔ زخمی بی ایس ایف اہلکاروں کو بچا کر مزید علاج کے لیے ضلع اسپتال بڈگام منتقل کیا گیا ہے۔
اہلکار نے مزید بتایا کہ زخمیوں کو علاج معالجے کے لیے نزدیکی اسپتال منتقل کردیا گیا ہے۔پولیس پوسٹ وترہیل نے اس واقعے کا سنجیدہ نوٹس لیتے ہوئے تفتیش شروع کر دی ہے۔
مزید تفصیلات کا انتظار ہے
