خاتون کا عجیب و غریب مطالبہ

ریاست ہریانہ کے فتح آباد کی ایک خاتون نے پولیس سپرنٹنڈنٹ سے شکایت کی ہے کہ ان کے بچوں کا اصل باپ اس کا شوہر نہیں بلکہ دیور ہے۔اس لئے بچوں اور دیور کا ڈی این اے ٹیسٹ کرایا جائے اور بچوں کو دیور کی جائیداد میں حصہ دلایا جائے۔

اطلاعات کے مطابق بھیما بستی میں رہنے والی خاتون چار بچوں کی ماں ہے۔ اس شکایت سے پولیس سپرنٹنڈنٹ وجے پرتاپ سنگھ بھی حیران رہ گئے اور قانونی رائے کے مطابق انہوں نے یہ معاملہ خواتین پولیس تھانہ میں بھیجا ہے۔

خاتون نے اپنے بیان میں بتایا ہے کہ وہ نہایت غریب گھر سے تعلق رکھتی ہے ۔والد کے شراب اور جوے جیسی عادات کی وجہ سے اسکی شادی نہیں ہوپا رہی تھی۔ شوہر کے پاس 60 ایکڑ کی زمین تھی لیکن وہ بھی شراب کا عادی تھا۔ سسرال والے اپنے بیٹے کی اس عادت کی وجہ سے پریشان تھے، جس کی وجہ سے انہوں نے اپنے بیٹے کی شادی غریب گھر کی لڑکی سے کرا دی ۔

شوہر کی اس عادت سے پریشان ہوکر خاتون مائکے چلی آئی ۔ لیکن دیور نے خاتون کو سسرال واپس آنے کے لیے راضی کرلیا۔