پنچایت میں 36 برادری کی سرکردہ شخصیات نے فیصلہ کیا کہ سماجی اصلاحات کے لیے ہر گاؤں میں کمیٹی تشکیل دی جائیں گی اور منظم شکل میں اجتماعی کوشش سے سماجی برائیوں کو ختم کیا جائے گا۔
اس پنچایت میں مقررین نے کہا کہ جوا، سٹہ، جہیر اور چوری جیسی برائیوں کے خلاف سماج کو کھڑا ہونا ہوگا۔
بی ایس پی رہنما عمران خان نے کہا کہ یہ علاقہ انڈسٹریل ہے لیکن یہاں فیکٹریوں میں میوات کے لوگوں کو باہر کر دیا جاتا ہے۔ ان کے ساتھ امتیازی سلوک برتاجاتا ہے۔
مولانا شیر محمد امینی نے کہا کہ سماجی برائیوں کے خلاف پنچایت کا انعقاد نہایت مستحسن قدم ہے اس کے مثبت نتائج دیکھنے کو ملیں گے۔
اس موقع پر مولانا شیر محمد امینی، مولانا حکیم الدین اشرف اٹاوڑی، بلبیر سنگھ دائما، سابق رکن اسمبلی ماسٹر ایوب، زبیر احمد الوری، محمد قاسم میواتی، مفتی اسلام الدین، حافظ طاہر سمیت کثیر تعداد میں دانشوران سماج نے شرکت کی۔
