ریاست گجرات میں مرکزی وزیر داخلہ امت شاہ نے آج سردار ولبھ بھائی پٹیل کے 145ویں یوم پیدائش پر خراج عقیدت پیش کرتے ہوئے کہا کہ انہوں نے ہی آج کے مضبوط بھارت کی بنیاد رکھی تھی۔
سردار پٹیل کے 145 ویں یوم پیدائش کے موقع پر امت شاہ نے اپنے ٹویٹ پیغام میں کہا کہ 'قومی یکجہتی کے عکاس: ہر بھارتی کے دل میں بسنے والے آئرن مین سردار پٹیل جی کو خراج عقیدت'۔
انہوں نے کہا کہ 'آزادی کے بعد سینکڑوں ریاستوں میں میں بکھرے ہوئے بھارت کو متحد کرنے کے بعد انہوں نے ہی آج کے مضبوط بھارت کی بنیاد رکھی۔ ان کی مضبوط قیادت، قومی جذبہ اور زبردست تعاون کو ملک کبھی فراموش نہیں کر سکتا'۔
انہوں نے کہا 'آئین اور سناتن کے توازن کی ایک انوکھی علامت، سردار پٹیل نے اپنی زندگی کے ہر لمحے کو ملک کے انضمام سے لے کر سومناتھ مندر کی تعمیر نو کے لیے بھارت میں ایک قوم کے احساس کو بیدار کرنے کے لیے وقف کیا تھا'،
انہوں نے کہا کہ 'ممنون قوم کی جانب سے ایسے محب وطن آئرن مین سردار پٹیل کو خراج عقیدت'
واضح رہے کہ سردار پٹیل کے یوم پیدائش کو ہر برس ملک بھر میں یوم اتحاد کے طور پر منایا جاتا ہے۔
وزیراعظم نریندر مودی نے آج گجرات کے کیوڈیا میں سردار پٹیل کے مجسمے 'سٹیچیو آف یونٹی' کا دورہ کرکے انہیں خراج عقیدت پیش کیا، اور ملک کے عوام کو ایکتا کا حلف دلایا۔
قومی دارالحکومت میں صدر، نائب صدر، وزیر داخلہ اور دہلی کے لیفٹیننٹ گورنر نے پٹیل چوک پر واقع سردار پٹیل کے مجسمے پر گلپوشی کی۔
