گجرات کے امرائی واڑی، رادھن پور، بایڈ، کھیرالو، تھراد، لوناوالا سیٹ پر رائے دہندگان میں زبردست جوش وخروش ہے۔ گجرات کی چھ سیٹوں پر 14.73لاکھ رائے دہنگان ووٹ ڈال رہے ہیں۔
ایسے میں گجرات کی اہم سیٹ مانے جانے والے امرائی واڑی نشست پر کانگریس، بی جے پی اور این سی پی کا سہ رخی مقابلہ دیکھنے کو مل رہا ہے۔
اس نشست سے بی جے پی سے جگدیش پٹیل، کانگریس سے دھرمیندر پٹیل اور این سی پی سے وجے یادو اپنی قسمت آزما رہے ہیں۔
امرائی واڑی کے ایم ایل اے ہسمکھ پٹیل کے لوک سبھا نشست میں جیت حاصل کرنے کے سبب اس سیٹ پر ضمنی انتخاب کے لیے پولنگ ہورہی ہے ، جس کے لیے سخت سکیورٹی انتظامات بھی کیے گیے ہیں۔
آج صبح سے ہی ووٹر بڑے ہی جوش و خروش کے ساتھ اپنا قیمتی ووٹ ڈالنے آ رہے ہیں، پولنگ بوتھوں پر لمبی۔لمبی قطاریں دیکھنے کو مل رہی ہیں ۔
اب 24 اکتوبر نتائج آنے کے بعد ہی پتہ چلے گا کہ اس سیٹ پر کس کی جیت ہوتی ہے اور کس کی ہار۔
