گاندربل: مقبرے کی زمین پر قبضہ کرنے کا الزام

مقامی لوگوں کا الزام ہے کہ چند خود غرض عناصر نے اپنی زمین کو مہنگے داموں میں بیچا ہے اور اب مقبرے کو وقف کی گئی زمین سے راستہ نکالنے لگے ہیں۔

وادی کشمیر کے وسطی ضلع گاندربل کے کچپارہ کنگن علاقے کے لوگوں نے الزام عائد کیا ہے کہ سیاسی دباؤ دکھا کر ایک شخص مقبرہ کی زمیں ہڈپنے کی کوشش کر رہا ہے۔

مقامی لوگوں نے الزام عائد کیا کہ بی جے پی کے ساتھ منسلک سیاسی کارکن نے اپنے سکیورٹی کے ہمراہ یہاں آکر بنا پوچھے بنا دیکھے قبرستانوں کی زمین کو اکھاڑ کر راستہ بنانے کی کوشش کر رہا تھا جس پر علاقے کے لوگوں نے سخت مذمت کی اور خواتین، مرد، بچے اور بزرگ شخص بھی گھروں سے نکل کر احتجاج کرنے لگے۔

مقامی لوگوں کا الزام ہے کہ چند خود غرض عناصر نے اپنی زمین کو مہنگے داموں میں بیچا ہے اور اب مقبرے کو وقف کی گئی زمین سے راستہ نکالنے لگے ہیں۔

ادھر مقامی لوگوں کی شکایت پر پولیس نے جے سی بی میشین حراست میں لے کر مزید تفتیش شروع کر دی ہے۔

اگرچہ ای ٹی وی بھارت کے نمائندے نے تحصیلدار کنگن سے رابطہ کیا تھا تاہم انہوں نے فون نہیں اٹایا۔