اب بھی ایک کے بعد ایک پارٹی کے رہنماؤں کا راہل گاندھی سے ملاقات کرنے کا سلسلہ جاری ہے۔
کانگریس کے ترجمان رندیپ سنگھ سرجے والا نے بھی راہل گاندھی سے ان کی رہائش گاہ پر ملاقات کی۔ پائلٹ کے جانے کے بعد گہلوت پہنچے۔ واضح رہے کہ راہل گاندھی کے استعفیٰ پر تجسس برقرار ہے۔
دہلی پردیش کانگریس نے بیان جاری کر کے راہل گاندھی سے استعفیٰ نہیں دینے کی گزارش کی ہے۔
جنوبی بھارت کے سپراسٹار اور سیاست داں رجنی کانت نے راہل گاندھی کے استعفیٰ پر رد عمل دیا ہے۔ انہوں نے کہا کہ 'راہل گاندھی کو استعفیٰ نہیں دینا چاہیے۔ انہیں ثابت کرنا چاہیے کہ وہ کر سکتے ہیں۔ جمہوریت میں حزب اختلاف کا مضبوط ہونا کافی ضروری ہے۔
آر جے ڈی کے صدر لالو پرساد یادو نے کہا کہ 'راہل گاندھی کا کانگریس کے صدر کے عہدے سے استعفیٰ دینا نہ صرف ان کی پارٹی کے لیے خطرناک ہوگا بلکہ یہ ان تمام سیاسی و سماجی طاقتوں کے لیے بھی ایک جھٹکا ہوگا جو آر ایس ایس کے خلاف لڑ رہی ہیں۔ لالو پرساد یادو نے ٹویٹر پر اپنے اس انٹرویو کو ٹویٹ بھی کیا ہے۔
