دہلی: مظاہرہ کے مقامات پر خاموشی، پولنگ اسٹیشنز پر لمبی قطاریں

دہلی کے 70 اسمبلی حلقوں میں رائے دہی کا عمل جاری ہے، مسلم اکثریتی اسمبلی حلقہ اوکھلا، جہاں شاہین باغ اور جامعہ میں شہریت قانون کے خلاف سب سے طویل مظاہرہ جاری ہے، آج یہاں سناٹا اور خاموشی ہے، جمہوریت کا جشن اب مظاہرہ کے مقامات سے نکل کر پولنگ اسٹیشنز میں منتقل ہوگیا ہے۔

ووٹنگ کے مد نظر مظاہرے کے دونوں مقامات پر تمام طرح کی سرگرمیوں کو توقف دیا گیا ہے، جامعہ سے ٹینٹ ہٹا دئے گئے ہیں اور مائک سسٹم کو علاحدہ کر دیا گیا ہے، جبکہ شاہین باغ میں مظاہرہ کی جگہ وہیں برقرار ہے، تاہم وہاں کوئی سرگرمی نہیں ہورہی ہے۔

مظاہرہ کے آرگنائزر تاثیر احمد کا کہنا ہے کہ ہماری لڑائی آئین کے لئے ہے اور آج آئین کے تقاضے کے مطابق ہی ہم ووٹ بھی کر رہے ہیں۔