کانگریس کے سینیئر رہنما اور جموں و کشمیر کے سابق وزیر اعلی غلام نبی آزاد اور دیگر رہنماؤں نے دفعہ 370 کی منسوخی پر سپریم کورٹ میں درخواست دائر کی تھی جس پر آج سماعت ہوئی۔ سپریم کورٹ نے مرکزی حکومت اور جموں کشمیر انتظامیہ کو اس ضمن میں ایک حلف نامہ داخل کرنے کا حکم دیا ہے۔
اس کیس کی اگلی سماعت 30 ستمبر کو ہوگی۔
ان کی عرضی پر چیف جسٹس رنجن گوگوئی، جسٹس ایس اے بوبڈے اور ایس عبدالنظیر کی بینچ نے سماعت کی ہے۔
مرکزی حکومت نے پانچ اگسٹ کو جموں کشمیر کو خصوصی درجہ دینے والی دفعہ 370 کو منسوخ کردیا تھا جس کے بعد وادی میں بھاری تعداد میں سکیورٹی فورسز کو تعینات کیا گیا ہے۔ اور متعدد مقامات پر اب بھی بندشیں جاری ہے۔
